Thursday, April 30, 2009

क्रमांक दोन

नमस्कार. खूप दिवस बरंच काही लिहीन (लिहून ठेवीन) असं म्हणत होतो परंतु काहीनाकाहीतरी कारणामुळे ते राहूनच गेलं आणि शेवटी आजचा दिवस उजाडला!

मध्यंतरीच्या काळात लोकसभेच्या सार्वत्रिक निवडणुका झाल्या (अजून निकाल जाहीर व्हायचे आहेत - कोण निवडून येणार आहे ते परमेश्वरच जाणे!) आणि आमचा परममित्र बाळू (हाही आमच्यासारखाच टिपीकल पुणेकर!) याच्याबरोबर गाठीभेटी झाल्यामुळे ब्लॉगसाठी आयताच विषय मिळाला. बाळू हा माझा जिवलग मित्र - अगदी लंगोटीयार म्हणतात ना तसा, शिवाय आळशीपणातसुद्धा आम्हादोघांत लहानपणापासून चढाओढ आणि म्हणून विशेष मैत्री!! बाळ्याबद्दल आणि बाळ्याबरोबर झालेल्या गप्पाष्टकांबद्दलसुद्धा मी इथे लिहीण्याचा विचार करतोय.

ब्लॉगचं नाव 'मुक्त आत्मलेखन' असं ठेवण्यामागे काही विशेष कारण होतं असं नाही... 'स्वैरचिंतन' असं नाव जास्त शोभून दिसलं असतं पण एक तर माझा हा ब्लॉग 'चिंतना' पेक्षा 'स्वैर' ला जास्ती जवळचा असल्यामुळे ते नाव बारगळलं हे खरं. असो... पुढेमागे ब्लॉगचा विस्तार झाल्यास नाव बदलीनसुद्धा.

आज इतकंच.

राम राम.

No comments:

Post a Comment